Jurgen Klopp, stjóri Liverpool, hefur staðfest það að Jordan Henderson spili ekki meira á tímabilinu.
Henderson meiddist á miðvikudaginn er Liverpool vann góðan 3-1 útisigur á Brighton.
Um er að ræða hnémeiðsli og mun enski landsliðsmaðurinn ekki taka þátt í síðustu fjórum leikjunum.
,,Hann mun ekki spila aftur á þessu tímabili en ég er jákvæður með að hann verði með okkur í byrjun næstu leiktíðar,“ sagði Klopp á blaðamannafundi.
,,Það besta við þetta er að þetta eru hnémeiðsli en það er engin þörf á aðgerð.“
