David de Gea, markvörður Manchester United, hefur beðið goðsögn félagsins, Peter Schmeichel, afsökunar.
De Gea kom til United frá Atletico Madrid árið 2011 og hefur nú spilað 399 leiki fyrir félagið.
Hann er nú orðinn leikjahæsti erlendi leikmaður í sögu United og bætti met Schmeichel um leið.
,,Ég bið Schmeichel afsökunar. Þetta er frábært. Þetta þýðir að ég hef verið hér lengi og spilað mjög, mjög vel. Ég er mjög stoltur og ánægður með að hafa spilað svo marga leiki fyrir félagið,“ sagði De Gea.
,,Vonandi þá næ ég öðrum 400 leikjum! Ég er gríðarlega ánægður.“
