West Ham 3-2 Chelsea
0-1 Willian(víti, 42′)
1-1 Tomas Soucek(45′)
2-1 Michail Antonio(51′)
2-2 Willian(72′)
3-2 Andriy Yarmolenko(90′)
Chelsea tapaði nokkuð óvænt í ensku úrvalsdeildinni í kvöld er liðið mætti West Ham.
Það var fimm marka leikur á dagskrá í London og voru það heimamenn í West Ham sem höfðu betur.
Fyrsta mark leiksins skoraði Willian fyrir Chelsea úr vítaspyrnu en sú forysta entist í þrjár mínútur er Tomas Soucek jafnaði metin.
Michail Antonio kom West Ham svo yfir snemma í seinni hálfleik áður en Willian skoraði aftur og nú beint úr aukaspyrnu.
Á 90. mínútu tryggði Andriy Yarmolenko svo West Ham sigur en hann kláraði færi sitt vel eftir skyndisókn og lokastaðan, 3-2.