Það fór fram Íslendingaslagur í Svíþjóð í dag er AIK og Malmö FF áttust við í efstu deild.
Kolbeinn Sigþórsson byrjaði leikinn fyrir heimamenn í AIK og byrjaði Arnór Ingvi Traustason fyrir Malmö.
Engin íslensk mörk voru á boðstólnum í 2-2 jafntefli en jöfnunarmark AIK kom úr vítaspyrnu á 89. mínútu.
Kolbeini tókst þó að leggja upp en hann gerði það í fyrsta marki heimaliðsins.
Um var að ræða fjórðu umferð deildarinnar og er AIK með sjö stig og Malmö með sex.
