Ole Gunanr Solskjær, stjóri Manchester United, viðurkennir að það hafi verið vont að horfa á Liverpool fagna Englandsmeistaratitlinum á fimmtudag.
Solskjær vann deildina sem leikmaður á sínum tíma en Liverpool vann úrvalsdeildina í fyrsta sinn í vikunni.
,,Það lið sem vinnur deildarkeppni eða úrvalsdeildina á það skilið og því ber að hrósa. Þetta er erfið deild að vinna svo vel gert Jurgen og hans leikmenn,“ sagði Solskjær.
,,Í hvert skipti sem þú sérð einhvern annan lyfta bikarnum þá særir það. Ég held að það eigi við um alla sem tengjast Manchester United.“
,,Við viljum komast aftur á sigurbraut og það er okkar áskorun.“