Knattspyrnudeild Þróttar og Hinrik Harðarson, sem fæddur er árið 2004, hafa undirritað leikmannasamning sem gildir út keppnistímabilið 2021 eða næstu tvo keppnistímabil.
„Hinrik hefur gengt lykilhlutverki í 3.flokki undanfarið og var m.a. markahæsti leikmaðurinn C-deildarinnar í fyrrasumar þar sem hann skoraði 22 mörk í 14 leikjum auk þess að skora 2 mörk í 7 leikjum með 2.flokki og ljóst að stutt er í að hann láti að sér kveða með meistaraflokki félagsins,“ skrifar Þróttur á Facebook síðu sína.
Hinrik hefur búið á Spáni í vetur en hefur nú snúið aftur heim og verður í Þrótti.
Markanef Hinriks ætti ekki að koma neinum á óvart en faðir hans er Hörður Magnússon, fyrrum landsliðsmaður og íþróttafréttamaður.