Aron Bjarnason er að ganga í raðir Vals eins og við greindum fyrst frá í gær. Fleiri lið höfðu áhuga á Aroni en fjárhagurinn hjá mörgum er erfiður vegna kórónuveirunnar.
Breiðablik seldi Aron til Újpest í Ungverjalandi á síðasta ári en þar hefur hann ekki fundið taktinn. Kantmaðurinn knái átti frábæra tíma með Breiðablik áður en félagið seldi hann út.
Aron hafði verið orðaður við endurkomu í Kópavoginn enda hafði hann átt góða tíma þar áður en hann hélt út.
Aron blómstraði undir stjórn Ágústs Gylfasonar en nú hefur Óskar Hrafn Þorvaldsson tekið við sem þjálfari Breiðabliks.
Samkvæmt heimildum 433.is vildi Óskar ekki fá Aron aftur til félagsins. Óskar hefur viljað bæta við kantmanni í lið Breiðabliks en taldi Aron ekki réttan kost.