Heimir Hallgrímsson, fyrrum landsliðsþjálfari Íslands og þjálfari Al-Arabi í Katar hefur beðið Íslendinga um að fara vel með Víði Reynisson, yfirlögregluþjónn.
Víðir hefur orðið að óskabarni þjóðarinnar nú þegar kórónuveiran herjar á landið, hann hefur stýrt aðgerðum og gert vel að flestra mati.
Víðir starfaði með Heimi hjá íslenska landsliðinu en þar var hann öryggisstjóri KSÍ. Þá ólust þeir félagar saman upp í Vestmannaeyjum.
„Það er bara til eitt svona eintak í heiminum. Farið þið vel með þennan mann, hann þarf líka á hvíldinni að halda þessi maður til þess að hann geti haldið áfram að standa sig eins vel,“ sagði Heimir í Bítinu á Bylgjunni í morgun.
Víðir hefur sagt á síðustu vikum að hann horfi upp til Heimis og hvernig hann fær fólk til að vinna saman.
„Hann kemur af þessum undursterka 1967 árgangi frá Vestmannaeyjum. Þetta eru sterk eintök,“
Viðtalið við Heimi er í heild hérna.