Oumar Niasse, framherji Everton og liðsfélagi Gylfa Þór Sigurðssonar var stöðvaður af lögreglunni á Englandi í gær. Hann var ekki að virða útgöngubann sem gildir í landinu.
Niasse var á rúntinum með vini sínum og tveimur konum þegar lögreglan stoppaði hann í úhtvefi Manchester.
Niasse ók um á 16 milljóna króna Benz bifreið sinni og var ekki í belti samkvæmt fréttum.
,,Þú ert þér til skammar, leikmaður í ensku úrvalsdeildinni að stofna lífi fólks í hættu. Hvað ertu að spá? Þetta er til skammar,“ sagði lögreglan við Niasse og var reið.
Vitni sögðust hissa að sjá mann í þessari stöðu ekki fara eftir reglum. Lögreglan ræddi lengi við Niasse og sagði honum svo að halda heim á leið.