Fjöldi liða í ensku úrvalsdieldinni vill nú að enska úrvalsdeildinni verði blásinn af og að nýtt tímabil hefjist næsta haust. Þetta kemur fram í grein hjá The Athletic.

Búið er að fresta leik í deildinni fram í lok apríl og líklegt er að ekkert verði spilað fyrr en í lok maí, ef deildin hefst aftur.

The Athletic segir að fjöldi félaga vilji nú hreinlega að deildin verði blásinn af og að reynt verði að hefja nýtt tímabil í haust. Þá yrði Liverpool ekki enskur meistari.

,,Þú byrjar bara upp á nýtt, eina félagið sem tapar eitthvað á þessu er Liverpool. Það skiptir ekki máli stóra samhenginu varðandi þessa veiru,“ sagði hátt settur maður í deildinni við The Athletic.

,,Veiran er að breiðast út hér í landi og þetta mun versna, við þurfum að vera heima hjá okkur næstu mánuðina.“