Jurgen Klopp, stjóri Liverpool, hefur tjáð sig um ummæli framherjans Timo Werner hjá RB Leipzig.
Werner gaf það út nýlega að hans leikstíll myndi henta Klopp og Liverpool en hann er oft orðaður við félagið.
Klopp var ánægður að heyra þessi ummæli sóknarmannsins en vildi þó ekki gefa meira í skyn.
,,Það er betra að þegar leikmenn tala um okkur að það sé jákvætt, frekar en að við séum síðasta félagið sem þeir vilji spila fyrir,“ sagði Klopp.
,,Frá því sjónarhorni þá var ánægjulegt að heyra þetta en það er ekki mikið meira um það að segja.“