Sergio Ramos, leikmaður Real Madrid, fékk að líta rauða spjaldið í kvöld gegn Manchester City.
Ramos þekkir það vel að fá spjöld en hann hefur fengið ófá gul og rauð á ferlinum hingað til.
Ramos fékk að líta beint rautt spjald fyrir brot á Gabriel Jesus í kvöld sem var að sleppa einn gegn markmanni.
Þetta var fjórða rauða spjald Ramos í Meistaradeildinni og hefur hann nú jafnað met.
Zlatan Ibrahimovic og Edgar Davids áttu metið en þeir fengu báðir fjögur rauð spjöld í keppninni á sínum tíma.