Allt er á fullu að undirbúa Laugardalsvöll til þess að hann verði leikfær í lok mars, þegar Ísland mætir Rúmeníu í umspili um laust sæti á Evrópumótið. Verkefnið er ærið fyrir KSÍ og starfsfólk sambandsins. Völlurinn er frá 1957, enginn hiti er undir honum. Lengi hefur verið rætt um nýjan Laugardalsvöll en ekkert hefur gerst.

Hitapulsan sem á að bjarga vellinum og gera hann leikfæran lagði af stað til landsins í vikunni og koma starfsmenn frá Bretlandi í næstu viku.

Pulan verður notuð yfir völlinn í þrjár vikur fram að leik.

Kristinn V. Jóhannsson er vallarstjóri Laugardalsvallar. ,,Veturinn er lykill í svona, þú þarft að finna lausnir,“ sagði Kristinn á dögunum.

Hitadúkur kemur til landsins þremur vikum fyrir leik, hann er lykill að árangri að mati Kristins. Svipaður dúkur var notaður árið 2013 þegar Ísland mætti Króatíu í nóvember og virkaði vel. Þessi pulsa sem fer yfir völlinn er dýr í rekstri en er sterkasta vopn KSÍ.

One of our MacLeod Pitch Protection systems was packed up yesterday and sent on its way to Iceland ready for @SSStadia crew to fly in next week and cover leading up to Iceland’s Euro qualifying match against Romania on March 26th @footballiceland #Iceland pic.twitter.com/9aHzJLsvQx

— Sports & Stadia (@SSStadia) February 26, 2020