Dries Mertens, leikmaður Napoli, er búinn að jafna markamet Marek Hamsik hjá félaginu.
Hamsik hefur yfirgefið Napoli en hann lék þar í 12 ár áður en hann hélt til Kína og spilar þar í dag.
Mertens er 32 ára gamall sóknarmaður en hann hefur nú skorað 121 mark fyrir félagið á ferlinum.
Það er jafn mikið og Hamsik gerði á sínum tíma en hann bætti þá met Diego Maradona sem var 115 mörk.
Mertens virðist eiga nóg eftir en hann skoraði eina mark Napoli í 1-1 jafntefli við Barcelona í Meistaradeildinni í gær.
