Blaise Matuidi, leikmaður Juventus, hefur staðfest það að hann sé ekki á förum næsta sumar.
Matuidi átti að verða samningslaus eftir leiktíðina en Juventus hefur ákveðið að framlengja samninginn um eitt ár.
,,Ég verð hér áfram, það var möguleiki á eins árs framlengingu og félagið ákvað að nýta það,“ sagði Matuidi.
,,Ég er mjög ánægður með annað tímabil hér. Ég hef aldrei efast um neitt og hef fundið fyrir trausti.“
,,Það er rétt að ég sé að verða eldri en á þessum tímapunkti hugsa ég líka um fjölskylduna sem elskar borgina.“