VAR er ekki of vinsælt fyrirbæri á Englandi en í fyrsta sinn er tæknin notuð í úrvalsdeildinni á þessu tímabili.

VAR hefur þótt gera mörg mistök á leiktíðinni og hefur alls ekki þótt vera nógu stöðugt þegar kemur að ákvörðunum.

Mark Halsey, fyrrum dómari í deildinni, vill sjá fyrrum atvinnumenn hjálpa til í VAR-herberginu fræga.

Eins og kunnugt er þá skoða dómarar leikja ekki VAR skjáina á vellinum heldur fá aðstoð frá þeim sem sitja í VAR-herberginu.

Halsey viðurkennir að margir dómarar þekki leikinn ekki nógu vel og hvernig það er að spila hann.

Hann leggur til að fyrrum leikmönnum deildarinnar verði boðið á svæðið til að hjálpa við að taka ákvarðanir.