Íslandsmeistarar KR fengu verðugt verkefni í nótt er liðið spilaði við Orlando City.
Orlando spilar í bandarísku MLS-deildinni en með liðinu leikur Nani, fyrrum stjarna Manchester United.
KR tókst að standa aðeins í Orlando en leikið var í Flórída og lauk leiknum með 3-1 sigri heimamanna.
Það var Nani sem reyndist of stór biti fyrir KR en hann gerði tvö mörk Orlando í sigrinum. Benji Michel skoraði einnig fyrir Orlando.
Valdimar Daði Sævarsson gerði eina mark KR í leiknum en öll mörkin komu í fyrri hálfleik.
Just taaaaap it in. #VamosOrlando pic.twitter.com/5xLYMo6rPs
— Orlando City SC (@OrlandoCitySC) 19 February 2020