Nouari Khiari, fyrrum umboðsmaður N’Golo Kante, er allt annað en sáttur með vinnubrögð leikmannsins og umboðsmanns hans, Nadia Zrari.
Khiari og Kante unnu saman í dágóðan tíma en samband þeirra versnaði síðasta nóvember og ákvað Frakkinn að leita annað.
Khiari segir að hann eigi inni um fjórar milljónir evra hjá Kante en fær það hins vegar ekki borgað.
,,Síðasta nóvember þá skrifaði N’Golo undir samning við Adidas eins og Paul Pogba,“ sagði Khiari.
,,Þetta var fimm ára samningur fyrir 15 milljkónir evra. Minn hluti átti að vera 3,75 milljónir.“
,,Þegar ég ræddi við umboðsmann N’Golo, Nadia Zrari, þá var mér boðið 50 þúsund evrur til að enda okkar samband.“
,,Það var mikið sjokk. Svo var mér boðið 150 þúsund evrur og seinna 300 þúsund. Ég neitaði þessu því hann skuldar mér tíu sinnum hærri upphæð. Annað hvort borga þau mér ekkert eða það sem ég á inni.“