Ajax hefur staðfest að félagið hafi samið við Chelsea um kaupverðið á Hakim Ziyech. Ziyech mun ganga í raðir Chelsea í sumar.
Ajax hefur staðfest að Chelsea byrji á að borga 33.3 milljónir punda en það geti svo hækkað upp í 36,7 milljónir punda með bónusum.
Bæði Pedro og Willian fara frá Chelsea í sumar og því vill Frank Lampard fá inn kantmann, koma Ziyech bendir til þess að félagið muni ekki reyna að kaupa Jadon Sancho frá Dortmund.
Fleiri félög hafa horft til Ziyech sem hefur verið frábær með Ajax síðustu ár.
