Odsonne Edouard, leikmaður Celtic, er með það plan að verða besti framherji heims einn daginn.
Edouard er öflugur framherji en hann var eitt sinn á mála hjá PSG og raðar nú inn mörkum í Skotlandi.
Hann er orðaður við lið á borð við Manchester United og stefnir svo sannarlega hærra en að spila í Skotlandi.
,,Ég vil verða besti framherji heims, allavega einn af þeim,“ sagði Edouard sem er 22 ára gamall.
,,Ég veit ekki hvenær það mun gerast. Ég lifi fyrir hvern dag og nýt lífsins. Við sjáum hvað gerist.“