Búið er að greina frá því hvaða tíu íþróttamenn koma til greina sem Íþróttamaður ársins hér á landi. Að venju eru það samtök íþróttafréttamanna sem standa að kjörinu.
Þrjár knattspyrnukonur komast á listann yfir tíu bestu en kjörinu verður lýst í beinni útsendingu á RÚV, 29 desember.
Glódís Perla Viggósdóttir, Ingibjörg Sigurðardóttir og Sara Björk Gunnarsdóttir eru þær knattspyrnukonur sem komast á listann. Gylfi Þór Sigurðsson er eini knattspyrnumaðurinn úr karlaflokki.
Þrír þjálfarar eru tilnefndir sem þjálfarar ársins, allir koma úr heimi fótboltans. Um er að ræða Arnar Þór Viðarsson sem kom U21 árs landsliðinu á EM, Elísabetu Gunnarsdóttur sem gerði frábæra hluti í Svíþjóð og Heimir Guðjónsson sem gerði Val að Íslandsmeisturum.
Lið ársins verður einnig valið en þar koma til greina, kvennalið Breiðabliks í knattspyrnu, U21 árs landslið karla í knattspyrnu og A-landslið kvenna í knattspyrnu sem tryggði sér miða á Evrópumótið.
Topp 10 í stafrófsröð
Anton Sveinn McKee
Aron Pálmarsson
Bjarki Már Elísson
Glódís Perla Viggósdóttir
Guðni Valur Guðnason
Gylfi Þór Sigurðsson
Ingibjörg Sigurðardóttir
Martin Hermannsson
Sara Björk Gunnarsdóttir
Tryggvi Snær Hlinason
Þjálfarar:
Arnar Þór Viðarsson
Elísabet Gunnarsdóttir
Heimir Guðjónsson
Lið:
Breiðablik kvenna fótbolti
Ísland U21 karla fótbolti
Ísland A-landslið kvenna fótbolti