West Ham United vann 2-1 sigur á Aston Villa í lokaleik 10. umferðar ensku úrvalsdeildarinnar í gær. Leikið var á London Stadium. Angelo Ogbonna kom West Ham yfir með marki á 2. mínútu eftir stoðsendingu frá Jarrod Bowen.
Á 25. mínútu jafnaði Jack Grealish metin fyrir Aston Villa Jarrod Bowen kom hins vegar West Ham aftur yfir í leiknum og tryggði liðinu sigur með marki á 46. mínútu. Aston Villa fékk vítaspyrnu á 74. mínútu. Ollie Watkins tók spyrnuna en tókst ekki að koma boltanum í netið.
VAR tók mark af Aston Villa í uppbótartíma þar sem Ollie Watkins var dæmdur rangstæður, mjög umdeildur dómur. Það atvik og skammarleg dýfa Jack Grealish í leiknum hafa mikið verið til umræðu.
Leikaraskapur Grealish var vægast sagt tilburðamikill eins og sjá má hér að neðan.
Embarrassing dive from Grealish. pic.twitter.com/VghK7UKBUm
— pdr (@pdr) November 30, 2020