Helgi Valur Daníelsson skrifaði í dag undir nýjan samning við Fylki. Helgi sem er fæddur 1981 er uppalinn Fylkismaður.

„Það hefur verið frábært að fylgjast með Helga eftir að hann kom aftur í Fylki fyrir tímabilið 2018. Hann átti frábært tímabil í fyrra (20 leikur, 4 mörk) og byrjaði þetta tímabil vel en meiddist svo illa snemma móts þegar hann fjórbrotnaði á fæti og spilaði því aðeins 3 leiki í deildinni þetta árið.,“ segir á heimasíðu Fylkis.

Meiðslin voru ansi alvarleg og margir héldu að Helgi mundi jafnvel leggja skóna á hilluna eftir meiðslin sem hann hlaut
en hann tók endurhæfinguna að fullum krafti og var farinn að vera með á æfingum áður en mótið var flautað af nú í haust.

Helgi á glæstan feril að baki en hann spilaði lengi erlendis með liðum eins og Peterborough í Englandi, Öster, Elfsborg og AIK í Svíþjóð, Hansa Rostock í Þýskalandi, Beleneses í Portúgal og AGF í Danmörku.

Helgi spilaði 38 leiki með yngri landsliðum og 33 leiki með A landsliði Íslands.