Enska knattspyrnusambandið er að rannsaka ummæli sem Edinson Cavani framherji Manchester United lét falla á Instagram í gær.
Cavani skrifaði orðið „Negrito“ þegar hann endurbirti mynd frá félaga sínum. Cavani hafði þá skorað tvö mörk í dramatískum 2-3 sigri Manchester United.
Enska sambandið ætlar að rannsaka málið sem rasísk skilaboð frá Cavani.
Við myndina sem vinur hans hafði birt skrifaði Cavani ‘Gracias negrito.’. Bein þýðing á því væri „Takk svarti“.
Cavani eyddi myndinni skömmu síðar en segir orðið notað um ástvini í Suður Ameríku og það verður hans vörn. Enska sambandið er að skoða málið og hvað skal gera. Ef Cavani verður dæmdur sekur gæti hann fengið langt bann.
