Chelsea, tekur á móti Tottenham, í stórleik 10. umferðar ensku úrvalsdeildarinnar klukkan 16:30 í dag, leikið verður á Stamford Bridge, heimavelli Chelsea.
Leikurinn er einvígi knattspyrnustjóranna Frank Lampard (Chelsea) og José Mourinho (Tottenham) en Lampard lék á sínum tíma undir stjórn þess síðarnefnda hjá Chelsea.
Báðum liðum hefur gengið vel upp á síðkastið í ensku úrvalsdeildinni. Tottenham er í 2. sæti deildarinnar fyrir leikinn með 20 stig og geta með sigri komið sér fyrir á toppi deildarinnar. Liðið tapaði síðast í deildinni þann 13. september gegn Everton.
Chelsea situr í 4. sæti með 18 stig og getur með sigri komist upp fyrir Tottenham í deildinni og jafnað topplið Liverpool að stigum. Síðasti tapleikur Chelsea í deildinni kom þann 20. september gegn Liverpool.
Byrjunarlið Chelsea:
Mendy, James, Thiago Silva, Zouma, Chilwell, Kante, Kovacic, Mount, Ziyech, Werner, Abraham
Varamenn:
Kepa, Rudiger, Jorginho, Pulisic, Giroud, Azpilicueta, Havertz
Byrjunarlið Tottenham:
Lloris, Aurier, Dier, Rodon, Reguilon, Hojbjerg, Sissoko, Ndombele, Son, Bergwijn, Kane
Varamenn:
Hart, Sanchez, Bale, Lo Celso, Lucas Moura, Davies, Vinicius
