Mohamed Salah kantmaður Liverpool er leikfær gegn Atalanta í Meistaradeildinni á morgun eftir að hafna jafnað sig af COVID-19.
Salah greindist ítrekað með veiruna í verkefni með landsliði Egyptalands í síðustu viku. Hann snéri aftur til Englands í einkaflugvél og fór í próf fyrir veirunni. Hún mælist ekki lengur í honum.
Salah hefur aldrei haft einkenni COVID-19 og því kom jákvæð niðurstaða mörgum á óvart. Flestir sem fá veiruna mælast með hana í sér næstu tvær vikurnar eða svo.
Þannig efast margir um að Salah hafi í raun og veru fengið veiruna en endurkoma hans er fagnaðarefni fyrir Jurgen Klopp.
Þétt verður spilað næstu vikur og mikilvægt fyrir þjálfara að geta reynt að dreifa álaginu.
Jurgen Klopp confirms Mohamed Salah is available and ready to play for Liverpool tomorrow. Huge boost going into a busy period of matches #LFC pic.twitter.com/r38lETS88G
— Kevin Palmer (@RealKevinPalmer) November 24, 2020
