Dagný Brynjarsdóttir, landsliðskona Íslands í knattspyrnu og leikmaður Selfoss, er á leið í Val samkvæmt heimildum mbl.is.
Þessi 29 ára gamla knattspyrnukona snérei heim úr atvinnumennsku fyrir ári síðan og gekk í raðir Selfoss.
Dagný lék 13 leiki í efstu deild kvenna í sumar og skoraði í þeim fimm mörk. Dagný lék með Val frá 2007 til 2013 áður en hún hélt í atvinnumennsku.
Hún varð í þrígang Íslandsmeistari með Val og tvívegis bikarmeistari. Dagný hefur leikið 90 A-landsleiki en verður ekki með í komandi verkefni vegna meiðsla.
Valur ætlar sér að endurheimta Íslandsmeistaratitilinn í kvennaflokki en Mary Vignola og Anna Rakel Pétursdóttir hafa einnig samið við félagið. Breiðablik vann efstu deild kvenna í ár en Valur varð Íslandsmeistari árið 2019.