Liverpool vann sannfærandi 3-0 sigur á Leicester City í 9. umferð ensku úrvalsdeildarinnar í gær. Leikið var á Anfield í Liverpool. Liverpool komst yfir í leiknum á 21. mínútu þegar Jonny Evans, leikmaður Leicester, varð fyrir því óláni að skora sjálfsmark.
Diogo Jota tvöfaldaði forystu Liverpool með marki á 41. mínútu eftir stoðsendingu frá Andrew Robertson. Það var síðan Roberto Firmino sem innsiglaði 3-0 sigur Liverpool með marki á 86. mínútu.
Sigurinn færir Liverpool upp í 2. sæti deildarinnar með 20 stig eftir 9 leiki. Liverpool hefur ekki tapað leik á Anfield í 64 leikjum, ótrúlegt afrek.
Patrice Evra fyrrum bakvörður Manchester United var sérfræðingur Sky Sports yfir leiknum og biður hann fólk um að róa sig. „Við verðum að slaka á, þetta eru bara 9 leikir. Ég mun tala um Liverpool sem frábært lið þegar þeir hafa unnið deildina þrjú ár í röð,“ sagði Evra.
„Ef Liverpool mistekst að vinna deildina í ár, þá mun ég aldrei tala um þá sem frábært lið. Þetta snýst um stöðugleika og að vinna deildina ár eftir ár. Þá má kalla þetta Liverpool lið, frábært.“
„Mörg lið hafa unnið deildina og ég mun tala um þá sem besta Liverpool lið sögunnar þegar þeir vinna deildina þrjú ár í röð.“