David Luiz varnarmaður Arsenal gaf liðsfélaga sínum einn á lúðurinn á æfingu liðsins fyrir viku síðan. Ensk blöð greina frá því.
David Ornstein virtasti blaðamaðurinn í málefnum Arsenal segir frá þessuí The Athletic.
Luiz varð brjálaður eftir tæklingu frá Dani Ceballos á æfingunni. Ceballos er þekktur fyrir að vera helst til of grófur á æfingum, hann hafði verið varaður áður af leikmönnum að sparka ekki svo harkalega í unga leikmenn félagsins.
Seint á æfinguni fór Ceballos í grófa tæklingu á Luiz sem hafði ekki gaman af. Hann sló til Ceballos sem fékk sár á nefið.
Mikel Arteta og starfslið hans var fljótt til og flautaði æfinguna af og kom þeim félögum í sitthvora áttina, svo ekki myndi sjóða upp úr.
Ceballos og Luiz komu svo á næstu æfingu og tókust í hendur og báðust afsökunar á hegðun sinni.