Stjórn KSÍ samþykkti á fundi sínum föstudaginn 30. október, að hætta keppni í Íslandsmótum og bikarkeppni KSÍ 2020, í samræmi við 5. grein í reglugerð um viðmiðanir og sértækar ráðstafanir vegna heimsfaraldurs kórónaveiru (Covid-19), sem samþykkt var og gefin út júlí síðastliðnum.
Valur er því Íslandsmeistari í karlaflokki en FH, Stjarnan og Breiðablik fá Evrópusæti en lokaniðurstaða er miðuð við meðaltal stiga. Fjórar umferðir voru eftir í deildinni en Valur átti mögulegika á stigameti efstu deildar.
Eins og á hverju sumri eru sumir sem valda vonbrigðum og hér eru þeir tíu aðilar og félög sem ollu mestu vonbrigðum þetta sumarið.
Vonbrigðin í Víkinni eru mikil, Arnar Gunnlaugsson þjálfari Víkings fór með miklar væntingar inn í mótið en húsið virtist byggt á sandi. Liðið endaði í tíunda sæti deildarinnar og þakkar guði fyrir hversu slök lið Fjölnis og Gróttu voru, í eðlilegu árferði hefði Víkingur verið að berjast fyrir lífi sínu.
Breiðablik ákvað að kasta Gunnleifi Gunnleifssyni í kuldann og fá inn Anton Ara Einarsson, fann aldrei sitt gamla form eftir bekkjarsetu á Hlíðarenda í fyrra. Mörg mistök og virtist líða illa í þeim aðstæðum sem Blikar setja markvörð sinn í með spilamennsku sinni
Þetta stóra félag fellur úr efstu deild án þess að vinna leik, skammarleg innkoma inn í efstu deild og þarf félagið á naflaskoðun að halda ef liðið ætlar sér að stefna aftur upp.
Þessi jafn besti leikmaður KA síðustu ár var hvorki fugl né fiskur í sumar, fjögur mörk í sumar eftir að hafa skorað tíu mörk árið á undan. KA munar um slíkt.
Eftir að hafa verið jafn besti leikmaður deildarinnar í fyrra var Pálmi ein stærstu vonbrigðin í sumar. Skoraði bara eitt mark sem er það minnsta sem hann hefur gert í meistaraflokki í deildarkeppni.
Fjögur mörk í ár og vonbrigðin með það eru mikil í Garðabænum, þriðja árið í röð. Hefur skorað tólf deildar mörk á þremur tímabilum, eitthvað sem Stjarnan vill fá frá framherja sínum yfir eitt tímabil.
EFtir að hafa bjargað FH á síðustu leiktíð voru vonbrigðin í sumar gríðarleg, virkaði ekki í formi og skoraði bara eitt mark í deildinni.
Maðurinn sem Heimir Guðjónsson keypti til þess að leysa stöðu vinstri bakvarðar, byrjaði mótið og spilaði illa og var síðan settur í frystikistuna.
Með nýjar áherslur í Kópavoginum þá var gengi liðsins í stóru leikjunum slakt, Óskar tók við liði sem var í öðru sæti tímabilin tvö á undan og var gengi liðsins engu betra en í fyrra. Liðið var með 1,7 stig að meðaltali í leik líkt og árið 2019. Óskar þarf að sanna ágæti sitt sem þjálfari í deild þeirra bestu á næstu leiktíð.
Hreint út sagt hræðileg titilvörn, KR vann deildina með stigameti og voru með 2,36 stig að meðaltali í leik. Í sumar var liðið hins vegar með 1,64 stig að meðaltali á leik. Rúnar Kristinsson er með gamalt lið og þarf að fara í uppbyggingu á liðinu, það gæti tekið tíma nú þegar KR fær enga Evrópu peninga.