Íslenska landsliðið átti aldrei möguleika gegn Englandi í síðasta leik Erik Hamren við stýrið í kvöld. Um var að ræða síðasta leik liðsins í Þjóðadeildinni á þessu tímabili.
Declan Rice og Masoun Mount skoruðu mörk Englands í fyrri hálfleik en þau hefðu hæglega getað orðið miklu fleiri. Ögmundur Kristinsson sem stóð vaktina í marki Íslands í fyrri hálfleik varði vel.
Phil Foden skoraði þriðja mark leiksins eftir 80 mínútna leik og bætti svo við öðru fimm mínútum síðar með glæsilegu skoti. 4-0 tap staðreynd í kveðjuleik Erik Hamren.
Íslenska liðið ógnaði marki Englands einu sinni en Kári Árnason var ekki langt frá því að skora í síðari hálfleik með skalla.
Einkunnir úr leiknum eru hér að neðan.
Byrjunarlið Íslands:
Ögmundur Kristinsson (´46) 7
Bjargaði íslenska liðinu frá niðurlægingu í fyrri hálfleik, gat lítið gert í mörkunum.
Birkir Már Sævarsson (´54) 4
Rekinn af velli á fremur ósanngjarnan hátt í sínum 95 landsleik, var í vandræðum eins og fleiri varnarmenn Íslands í leiknum.
Sverrir Ingi Ingason 4
Varðist af bestu getu en var á köflum í vandræðum
Kári Árnason 5
Mögulega hans síðasti landsleikur, var nálægt því að skora sem hefði verið frábær kveðjustund.
Hjörtur Hermannsson 4
Á enn eftir að sannfæra marga um að hann geti spilað í hjarta varnarinnar hjá landsliðinu.
Ari Freyr Skúlason 5
Lokaði ágætlega á hægri væng Englendinga.
Guðlaugur Victor Pálsson 4
Reyndi og reyndi en stundum er það ekki nóg.
Rúnar Már Sigurjónsson (´62) 4
Náði eins og aðrir á miðju Íslands varla að klukka Englendingana.
Birkir Bjarnason (´88) 4
Tankurinn virtist tómur, þrír leikir á sex dögum fyrir mann sem fær ekkert að spila fyrir félagslið sitt er of mikið.
Albert Guðmundsson (´73) 5
Pressaði og var duglegur en fékk úr litlu að moða.
Jón Daði Böðvarsson (´73) 4
Virðist vanta sjálfstraustið sem gerði hann að frábærum landsliðsanni
Varamenn:
Hannes Þór Halldórsson (´46) 5
Jafnaði met Birkis Kristinssonar yfir flesta landsleiki sem markvörður, 74 stykki. Gat lítið gert í mörkum Phil Foden
Hólmar Örn Eyjólfsson (´62) 5
Ágætis innkoma.
Kolbeinn Sigþórsson (´73)
Spilaði of lítið til að fá einkunn
Jón Dagur Þorsteinsson (´73)
Spilaði of lítið til að fá einkunn
Ísak Bergmann Jóhanneson (´88)
Spilaði of lítið til að fá einkunn.
