Íslenska u-21 landslið karla mætti því írska á Írlandi í dag. Leiknum lauk með 1-2 sigri Íslands eftir dramatískar lokamínútur.
Sveinn Aron Guðjohnsen kom Íslandi yfir eftir 25. mínútna leik. Hann skoraði eftir sendingu frá Jóni Degi Þorsteinssyni. Ísland leiddi með einu marki þegar flautað var til hálfleiks.
Á 75. mínútu varð Ari Leifsson fyrir því óláni að skora sjálfsmark og þar með jafna metin fyrir Írland.
Á 87. mínútu fékk Írinn Nathan Collins rautt spjald eftir tæklingu. Írar spiluðu því einum manni færri síðustu mínútur leiksins.
Íslensku strákarnir nýttu sér liðsmuninn. Valdimar Þór Ingimundarson skoraði sigurmark leiksins eftir stoðsendingu frá Alfons Sampsted á 93. mínútu.
Með sigrinum komst Ísland í annað sæti riðilsins með 18 stig.
Írland U-21 1 – 2 Ísland U-21
0-1 Sveinn Aron Guðjohnsen (25′)
1-1 Ari Leifsson (75′)(Sjálfsmark)
1-2 Valdimar Þór Ingimundarson (93′)
Rautt spjald: Nathan Collins, Írland (87′)
Staðan í riðlinum:
1. Ítalía – 19 stig
2. Ísland – 18 stig
3. Írland – 16 stig
4. Svíþjóð – 15 stig
5. Armenía – 3 stig
6. Lúxemborg – 3 stig
Ísland og Írland hafa leikið níu leiki en hin liðin hafa leikið átta leiki.
