Jón Dagur Þorsteinsson leikmaður AGF, Andri Fannar Baldursson miðjumaður Bologna, og Alfons Sampsted varnarmaður Bodö/Glimt hafa verið kallaðir inn í A-landsliðið og mæta Englandi á Wembley á miðvikudag. Fótbolti.net segir frá.
Áður hafði verið greint frá því að Ísak Bergmann Jóhannesson og Sveinn Aron Guðjohnsen far í það verkefni eftir góðan sigur U21 liðsins á Írlandi í dag.
Nokkrir leikmenn A-liðsins munu yfirgefa hópinn eftir leikinn gegn Danmörku á Parekn í kvöld en þar á meðal verða Aron Einar Gunnarsson og Gylfi Þór Sigurðsson samkvæmt heimildum. Fleiri munu svo yfirgefa hópinn miðað að fimm séu kallaðir inn í hópinn fyrir leikinn við England.
Íslenska landsliðið heldur til Lundúna á morgun og mætir Englendingum á Wembley 19:45 á miðvikudag. Willum Þór Willumsson átti að fara í verkefni A-landsliðsins en meiddist með U21 í dag.