Íslenska karlalandsliðið í knattspyrnu er nú aðeins einu skrefi frá því að komast inn á sitt þriðja stórmót í röð. Liðið vann 2-1 sigur á Rúmeníu í umspili um laust sæti á EM í Laugardalnum í kvöld. Liðið mætir Ungverjalandi ytra í nóvember í hreinum úrslitaleik.
Gylfi Þór Sigurðsson skoraði bæði mörk Íslands í fyrri hálfleik en Rúmenar fengu gefins vítaspyrnu í þeim síðari en settu litla pressu á íslenska markið eftir það. Fyrra mark Gylfa kom á 16 mínútu en eftir sendingu frá Jóhanni Berg Guðmundssyni, snéri Gylfi á leikmann Rúmena og hamraði honum í netið. Alfreð Finnbogason vippaði svo boltanum inn á Gylfa í því síðara og hann kláraði frábærlega.
Íslendingar fagna í kvöld og þar á meðal eru ráðherra, fyrrum ráðherra og svo fengu sérfræðingur pillu senda beint frá Bandaríkjunum.
VAR ÞAÐ EKKI? pic.twitter.com/ADmjiRg310
— Özzi (@ornbolti) October 8, 2020
Góður sigur og liðið í topp formi. Gylfi auðvitað snillingur – svo mikill snillingur að hann gat sett inn færslu á facebook áður en hann gékk af velli. Það er eitthvað.
Posted by Kristinn Hrafnsson on Thursday, 8 October 2020
Bandaríski landsliðsmaðurinn Aron Jóhannsson var með skot á sérfræðinga sem gagnrýndu Gylfa Þór Sigurðsson, Alfreð FInnbogason og Jóhann Berg Guðmundsson fyrir að gefa ekki kost á sér í síðasta verkefni.
Alveg hrikalega heimskuleg ákvörðun hjá gamla bandinu umdaginn að hvíla sig til að koma sér almennilega í gang hjá sínum liðum…. 😂😂
— Aron Jóhannsson (@aronjo20) October 8, 2020
Sænska leiðin virkaði a.m.k. vel á vellinum í kvöld. Til hamingju.
Posted by Sigríður Ásthildur Andersen on Thursday, 8 October 2020
Þvílíki leikurinn!! Dýrka þetta og nákvæmlega það sem við þurfum! Ísland 2 – Rúmenía 1! 🇮🇸🇮🇸🇮🇸
Posted by Lilja D. Alfredsdottir on Thursday, 8 October 2020