Íslenska karlalandsliðið í knattspyrnu er nú aðeins einu skrefi frá því að komast inn á sitt þriðja stórmót í röð. Liðið vann 2-1 sigur á Rúmeníu í umspili um laust sæti á EM í Laugardalnum í kvöld. Liðið mætir Ungverjalandi ytra í nóvember í hreinum úrslitaleik.

Gylfi Þór Sigurðsson skoraði bæði mörk Íslands í fyrri hálfleik en Rúmenar fengu gefins vítaspyrnu í þeim síðari en settu litla pressu á íslenska markið eftir það. Fyrra mark Gylfa kom á 16 mínútu en eftir sendingu frá Jóhanni Berg Guðmundssyni, snéri Gylfi á leikmann Rúmena og hamraði honum í netið.

Alfreð Finnbogason vippaði svo boltanum inn á Gylfa í því síðara og hann kláraði frábærlega. „Tilfinningin gæti ekki verið betri. Við erðum þetta mjög erfitt fyrir okkur í lokin.“ sagði Gylfi í viðtali við Stöð 2 Sport eftir leikinn

„Það er frábært. Ég held að vinstri löppin sé betri en hægri löppin eins og er. Það var mjög ljúft að ná inn tveimur mörkum í dag og koma okkur í góða stöðu.“

Gylfi er nú aðeins tveimur mörkum frá Eiði Smár Guðjohnsen og Kolbeini Sigþórssyni sem eru markahæstu leikmenn í sögu landsliðsins. „Ég var einmitt að hugsa um það áðan – það styttist,“ sagði Gylfi sem hefur skorað 24 mörk fyrir Ísland.