Real Madrid vann góðan 4-1 sigur á Huesca í spænsku úrvalsdeildinni í dag. Eden Hazard sneri aftur í lið Real eftir meiðsli, hann gerði sér lítið fyrir og skoraði fyrsta mark leiksins. Leikið var á Estadio Alfredo Di Stefano í Madríd.
Mark Hazard kom á 40. mínútu eftir stoðsendingu frá Valverde.
Fimm mínútum síðar var röðin komin að Karim Benzema. Hann tvöfaldaði þá forystu heimanna með marki eftir stoðsendingu frá Lucas.
Þannig stóðu leikar allt þar til á 54. mínútu. Federico Valverde bætti þá við þriðja marki Real.
Leikmenn Huesca náðu að minnka muninn með marki á 74. mínútu. Þar var að verki David Ferreiro.
Það var hins vegar Karim Benzema sem innsiglaði 4-1 sigur Real með sínu öðru marki í leiknum á 90. mínútu. Real situr eftir leikinn á toppi deildarinnar með 16 stig eftir 7 leiki.
Real Madrid 4 – 1 Huesca
1-0 Eden Hazard (’40)
2-0 Karim Benzema (’45)
3-0 Federico Valverde (’54)
3-1 David Ferreiro (’74)
4-1 Karim Benzema (’90)