James Rodriguez leikmaður Everton hefur verið í vandræðum með eistun á sér vegna höggs sem hann fékk á þá í slagnum við Liverpool fyrir tæpum tveimur vikum.
James fékk höggið í samstuði við Virgil van Dijk en gat spilað um síðustu helgi gegn Southampton. Marca í Kólumbía segir að eistun á James hafi bólgnað mikið og sársaukinn hafi verið mikill hjá kappanum.
„Í upphafi var mér sagt að hann yrði frá í að minnsta kosti viku af sérfræðingum,“ sagði Carlo Ancelotti um stöðu mála.
„Hann jafnaði sig fljótt og blóðið sem kom út úr þessu fór að minnka eftir tvo eða þrjá daga.“
James hefur byrjað frábærlega hjá Everton eftir að félagið fékk hann frítt frá Real Madrid í sumar.
