Böðvar Böðvarsson var í byrjunarliði Jagiellonia Białystok þegar þeir heimsóttu Pogoń Szczecin í pólsku úrvalsdeildinni í kvöld.
Leiknum lauk með 3-0 sigri heimamanna. Böðvar varð fyrir því óláni að skora sjálfsmark á 29. mínútu leiksins. Sebastian Kowalczyk jók forystu Pogoń Szczecin með marki úr vítaspyrnu á 47. mínútu. Alexander Gorgon skoraði þriðja og síðasta mark heimamanna á 69. mínútu.
Pogoń Szczecin eru í þriðja sæti með 14 stig og Böðbar og félagar í Jagiellonia Białystok eru í áttunda sæti með 11 stig.
Pogoń Szczecin 3 – 0 Jagiellonia Białystok
1-0 Böðvar Böðvarsson (29′)(Sjálfsmark)
2-0 Sebastian Kowalczyk (47′)(Víti)
3-0 Alexander Gorgon (69′)