David Beckham er að gera heimildarmynd um líf sitt sem verður sýnd á Netflix en hann fær vel greitt fyrir þessa heimildarmynd.
Beckham sem er 45 ára hefur hingað til ekki viljað hleypa myndavélum inn í einkalíf sitt en hann og Victoria hafa samþykkt þessa mynd sem Netflix mun gera.
Farið verður í persónuleg mál, fjölskylduna, vini og liðsfélaga frá ferli Beckham sem knattspyrnumaður.
Victoria kemur einnig fyrir og verður rætt um hjónaband þeirra og hvernig það fór af stað. Sagt er að Beckham fái tæpa 3 milljarða fyrir myndina.
Netflix er stærsta efnisveita í heimi og hefur veitan stækkað og stækkað síðustu ár.