Mason Greenwood skoraði fyrsta mark Manchester United í 5-0 sigrinum á RB Leipzig í Meistaradeild Evrópu í gær en markið sem Mason skoraði var það eina sem kom í fyrri hálfleik.
Fagnið hjá Greenwood vakti athygli en hann benti til himna til að minnast félaga sem féll frá um helgina. Jeremy Wisten 17 ára fyrrum leikmaður Manchester City var góður vinur Greenwood, hann er sagður hafa tekið eigið líf um helgina.
Wisten fékk svo ekki lengri samning hjá Manchester City og það reyndist honum erfiður biti að kyngja. Wisten kemur frá Malaví í Afríku en hann og fjölskylda hans fluttu til Englands.
Greenwood benti til himna. „Þetta var fyrir þig vinur, hvíldu í friði Jeremy Wisten,“ skrifar Mason á Instagram eftir leik.
Greenwood sem er 19 ára gamall hafði byrjað tímabilið rólega en var öflugur í stórsigrinum í gær.
