Josep Maria Bartomeu hefur sagt upp störfum sem forseti Barcelona og öll hans stjórn stígur frá störfum. Frá þessu er greint í kvöld.
Bartomeu hefur átt erfitt uppdráttar síðustu mánuði eftir að hafa farið í stríð við Lionel Messi stjörnu liðsins í sumar.
Messi vildi fara frá Barcelona og hefur talað opinberlega um það samband hans við forsetann hafi ekki verið gott.
Bartomeu hefur að auki verið í vandræðum með rekstur Barcelona og þurfti félagið að losa öfluga leikmenn í sumar til að laga bókhaldið.
Bartomeu hefði misst starfið á næsta ári þegar kosið verður til forseta og kaus hann frekar að segja af sér.
