Antoine Griezmann leikmaður Barcelona og fleiri áhrifamenn í fótboltanum eru reiðir eftir skrif ABC um Ansu Fati vonarstjörnu Barcelona.
Fati var frábæra í 3-1 sigri Börsunga á Ferencvaros í Meistaradeild Evrópu í vikunni, hann skoraði eitt og lagði upp annað. Þessi 17 ára piltur hefur vakið verðskuldaða athygli, Fati er dökkur að hörund en skrif ABC hafa vakið mikla reiði.
„Ansu hleypur um eins og antilópa, eins og ungur svartur sölumaður á götum Barcelona. Eins og þeir sem þú sérð hlaupa um Paseo de Gracia og öskra „vatn, vatn“ þegar þeir sjá lögregluna koma,“ skrifaði Salvador Sostres í ABC
„Þetta reyndar gerist ekki lengur því í huga borgarstjórans er það lögreglan sem eru glæpamennirnir og sölumennirnir þurfa því ekki lengur að hlaupa.“
Griezmann vakti athygli á þessum skrifum og sagði. „Ansu er frábær drengur sem á skilið virðingu eins og allir aðrir, ég segi nei við rasisma og nei við lélegri menntun,“ skrifaði Griezmann.
Ansu es un chico excepcional que merece respeto como cualquier ser humano. No al racismo y no a la mala educación. pic.twitter.com/LZuJOzoTMG
— Antoine Griezmann (@AntoGriezmann) October 21, 2020