Jurgen Klopp, knattspyrnustjóri Liverpool, var ánægður með frammistöðu síns liðs í 2-2 jafntefli við Everton í ensku úrvalsdeildinni í dag.

,,Frammistaðan var mjög góð. Við stjórnuðum leiknum gegn liði sem er fullt sjáflstrausts,“ sagði Klopp í viðtali við BT Sport eftir leik.

Jurgen Klopp telur að mistök hafi verið gerð þegar Sadio Mané var dæmdur rangstæður í aðdraganda marksins sem Jordan Henderson skoraði í uppbótartíma og var dæmt af.

,,Ég er búinn að sjá atvikið og ég get ekki séð að Sadio hafi verið rangstæður. En þetta var rangstaða af því einhver ákvað það,“ sagði Klopp.

Liverpool er eftir leikinn í 2. sæti deildarinnar.