Pogba, sem kostaði Manchester United 89 milljónir punda á sínum tíma, hefur reglulega verið orðaður við Real Madrid. Zinedine Zidane, stjóri Real Madrid, er frá Frakklandi, eins og Pogba, og telja einhverjir að það hafi áhrif á löngun Pogba til að ganga til liðs við liðið.
Þrátt fyrir að Pogba hafi talað um að hann vilji ganga til liðs við Real Madrid þá virðist Solskjær vera rólegur. Fyrir helgi sagðist Solskjær ekki hafa miklar áhyggjur af því að Pogba fari, auk þess sem hann sagði að Manchester United muni framlengja samning Pogba við félagið áður en hann rennur út í lok tímabilsins.
„Paul er okkar leikmaður,“ sagði Solskjær. „Hann mun vera hérna í tvö ár í viðbót og ég er viss um að hann sé einbeittur á að gera sitt besta fyrir okkur. Við viljum sjá það besta fyrir hann og ég er viss um að á næstu tveimur árum munum við ná því besta úr honum.“
