Fjöldi félaga hefur sent frá sér yfirlýsingu þar sem KSÍ er beðið um að reyna að halda öllum mótum áfram ef kostur er á. Í reglugerð KSÍ kemur fram að það eigi að reyna að klára öll mót fyrir 1 desember.
Fjöldi félaga vill blása mótið af núna, flest hafa hagsmuni af því að láta blása mótið af núna. Félögin sem senda yfirlýsinguna hér að neðan hafa mikinn hag af því að klára mótið, þau geta komist upp um deildir eða sloppið við fall ef Íslandsmótin verða kláruð.
Mikil átök eru innan hreyfingarinnar um það hvort halda eigi mótinu áfram eða blása það, reglugerð KSÍ gefur sambandinu leyfi til að blása allt af þegar búið er að leika 2/3 hluta af mótinu eins og staðan er.
Yfirlýsingin:
Eftirfarandi félög hvetja KSÍ að halda Íslandsmótum í knattspyrnu áfram til 1. desember n.k. Skoðun okkar er að það á að klára öll mót svo að allir njóti sanngjarnrar lokaniðurstöðu.
Hreyfingin mun bera mikinn skaða af því að hlusta eingöngu á raddir félaga sem halda uppi áróðri í fjölmiðlum um bestu niðurstöðu sinna félaga í öllum deildum Íslandsmótsins.
Í reglugerð KSÍ um viðmiðanir og sértækar ráðstafanir vegna heimsfaraldurs kórónaveiru (Covid-19) segir í gr. 4.4. Öllum leikjum í Íslandsmótum skal vera lokið eigi síður en 1. desember 2020 og verður einstökum leikjum eða mótum meistaraflokka ekki frestað aftur fyrir þann tíma.
Félög sem senda þessa yfirlýsingu eru:
Álftanes
Fram
Haukar
Leiknir F
Magni
Njarðvík
Víðir
Vængir Júpíters
Þróttur V
