Rúm 41 prósent í efstu deild karla og kvenna í knattspyrnu hér á landi vilja að KSÍ blási mótin af vegna kórónuveirunnar. Þetta kemur fram í könnun sem Leikmannasamtökin gerðu. Hlé er á mótinu vegna veirunnar.
Guðni Bergsson formaður KSÍ hefur gefið út að allt verði gert til þess að reyna að klára mótin fyrir 1 desember. 36 prósent í karlaflokki vilja blása mótið af en 47 prósent kvenna.
Tæp 40 prósent vilja klára mótið og talsverður hluti leikmanna hefur enga skoðun á því. 374 leikmenn úr 22 liðum tók þátt í þessari könnuna.
Ef mótin yrðu blásin af er ljóst að Valur yrði Íslandsmeistari í karlaflokki og Breiðablik í kvennaflokki. Í reglugerðum KSÍ er leyfilegt að láta stöðuna gilda ef búið er að klára 2/3 af mótinu.
Breiðablik, Stjarnan og FH myndu svo fá Evrópusæti í karlaflokki.
Rúm 60 prósent leikmanna óttast það að fá veiruna en COViD-19 hefur haft mikil áhrif á íslenskt samfélag frá því í mars. Um er að ræða þriðju bylgju veirunnar.
Lið utan höfuðborgarsvæðisins geta haldið æfingum áfram en tilmæli eru um að lið á höfuðborgarsvæðinu æfi ekki.
