„Ég er alltaf svekktur að tapa, við áttum von á því að Danir yrðu með boltann. Við vörðumst vel í fyrri hálfleik og fengum besta færið til að skora, þeir fengu fyrsta skotið á markið eftir hálftíma. Markið breytir leiknum, við ætlum að keyra á þetta í seinni hálfleik og svo gefum við mark. Það var slæm ákvörðun, það var vont skipulag og 0-2. Þá er þetta nánast búið, þeir spiluðu á miðvikudag og hvíldu nánast allt. Við spiluðum á fimmtudag og það hafð áhrif, ég kann ekki vel við fyrstu tvö mörkin,“ sagði Erik Hamren á fréttamannafundi eftir leikinn.

Alfreð Finnbogason meiddist snemma í leiknum aftan í læri og Aron Einar Gunnarsson fann fyrir í lærinu og fór af velli í hálfleik. Ragnar Sigurðsson meiddist svo á kálfa í seinni hálfleik.

„Alfreð meiddist aftan í læri, Aron fann fyrir verki í lærinu í hálfleik. Ragnar meiddist á kálfa, erfiður leikur á fimmtudag og þeir spila ekki á miðvikudag gegn Belgíu, það var aldrei planið að spila öllum í þrjá leiki. Fyrsti leikurinn gegn Rúmeníu var mikilvægastur, við sjáum hvað við getum gert á miðvikudag.“

Jóhann Berg Guðmundsson átti að byrja en fann fyrir í náranum. ,,Hann átti að spila 45 mínútur, við viljum ekki taka áhættu. Hann var stífur, við töldum að hann gæti byrjað í dag en hann var óviss í morgun. Ég sagði honum að taka ekki áhættu, við þurfum hann í nóvember. Hann spilar ekki á miðvikudag,“ sagði Hamren og ljóst er að Kári Árnason verður heldur ekki með þar, fimm lykilmenn hið minnsta verða fjarverandi.

Um draugamark Dana í fyrri hálfleik. „Ég held að hann hafi ekki verið inni, ég hef séð það á myndbandi. Ég get ekki séð hvernig línuvörðurinn sér þetta.“

Um annað markið sem var slysalegt hafði Hamren þetta að segja „Við eigum ekki að gera þetta, við breyttum skipulaginu. Innkastið á ekki að fara þangað, það vantar balance í liðið ef boltinn fer þangað. Þetta voru tvö slæm mistök. Þetta var eins og ákvörðun hjá unglingaliði“