Íslenska karlalandsliðið í knattspyrnu er nú aðeins einu skrefi frá því að komast inn á sitt þriðja stórmót í röð. Liðið vann 2-1 sigur á Rúmeníu í umspili um laust sæti á EM í Laugardalnum í gær. Liðið mætir Ungverjalandi ytra í nóvember í hreinum úrslitaleik.
Gylfi Þór Sigurðsson skoraði bæði mörk Íslands í fyrri hálfleik en Rúmenar fengu gefins vítaspyrnu í þeim síðari en settu litla pressu á íslenska markið eftir það. Fyrra mark Gylfa kom á 16 mínútu en eftir sendingu frá Jóhanni Berg Guðmundssyni, snéri Gylfi á leikmann Rúmena og hamraði honum í netið.
Alfreð Finnbogason vippaði svo boltanum inn á Gylfa í því síðara og hann kláraði frábærlega. Með mörkunum tveimur er Gylfi nú aðeins tveimur mörkum á eftir markahæstu leikmönnum í sögu Íslands.
Eiður Smári Guðjohnsen og Kolbeinn Sigþórsson hafa báðir skorað 26 mörk en Gylfi tveimur minna. Bæði Gylfi og Kolbeinn geta bætt við mörkum í leikjum Íslands gegn Danmörku og Belgíu á komandi dögum.
Leikmaður – Ár í landsliði – Mörk
1 Eiður Guðjohnsen 1996–2016- 26
Kolbeinn Sigþórsson 2010– 26
2 Gylfi Þór Sigurðsson 2010– 24
3 Ríkharður Jónsson 1947–1965 17
4 Alfreð Finnbogason 2010– 15
5 Ríkharður Daðason 1991–2004 14
Arnór Guðjohnsen 1979–1997 14
6 Þórður Guðjónsson 1993–2004 13
7 Birkir Bjarnason 2010– 12
Tryggvi Guðmundsson 1997–2008 12
Heiðar Helguson 1999–2011 12
8 Pétur Pétursson 1978–1990 11
Matthías Hallgrímsson 1968–1977 11
9 Helgi Sigurðsson 1993–2008 10
Eyjólfur Sverrisson 1990–2001 10
10 Þórður Þ. Þórðarson 1951–1958 9
Teitur Þórðarson 1972–1985 9
11 Jóhann Berg Guðmundsson 2008- 8
Guðmundur Steinsson 1980–1988 8
Sigurður Grétarsson 1980–1992 8
Marteinn Geirsson 1971–1982 8
Atli Eðvaldsson 1976–1991 8
