Davíð Þór Viðarsson fyrrum fyrirliði FH er gestur í hlaðvarpsþættinum Draumaliðið þar sem hann fer yfir bestu samherjana sína af ferlinum með Jóhanni Skúla.

Davíð átti frábæran feril með FH og var leiðtogi liðsins um langt skeið. Hann telur að félagið sitt hafi tekið rétta ákvörðun þegar Heimi GUðjónssyni var vikið úr starfi árið 2017.

Heimir sem þjálfari Val í dag var rekinn frá FH eftir að hafa stýrt liðinu í tíu ár, ákvörðunin var umdeild en rétt að mati Davíðs.

„Á þessum tíma fannst mér hún rétta, við vorum ekki góðir 2017. Það var ekki búinn að vera næg endurnýjun, á þeim tímapunkti fannst mér þetta skiljanleg ákvörðun. Þú getur haft mismunandi skoðanir á því hvernig þetta var gert, á þessum tíma fannst mér þetta eðlileg ákvörðun,“ sagði Davíð en Heimir var rekinn úr starfi eftir að flest lið höfðu fundið sér þjálfara. Heimir hélt því til Færeyja og stýrði HB með góðum árangri.

,,Hann hafði verið aðalþjálfari í 10 ár, ég held að einhver hafi grætt á þessu sé það Heimir. Hann hefur gert frábæra hluti í Færeyjum og nú hjá Val, sannað hversu fær þjálfari hann er.“