Það er Aston Villa sem mun spila í úrslitum enska deildabikarsins á Wembley þann 1. mars. Villa mun mæta annað hvort Manchester City eða Manchester United en þau lið mætast í dag.
Villa sló Leicester City úr keppni í gær en fyrri leik liðanna lauk með 1-1 jafntefli á King Power vellinum. Villa hafði svo betur í gær með tveimur mörkum gegn einu og vantaði ekki upp á dramatík. Sigurmark leiksins skoraði Trezeguet fyrir heimamenn á 93. mínútu og tryggði liðinu farseðilinn í úrslit.
Eftir leik ruddust þúsundir stuðningsmanna inn á völlinn og voru nokkrir leikmenn Leicster í hættu. Fyrir þetta mun enska sambandið sekta Villa, all hressilega.
Þannig var James Maddison, miðjumanni Leicester ítrekað hrint af stuðningsmönnum Villa og þá var Jamie Vardy ögrað all hressilega, hann hélt ró sinni og kom sér inn í klefa.
Sigur Villa er óvæntur enda Leicester að berjast á toppi deidlarinnar en Villa í harðri fallbaráttu.